kirola »
Kirol taldeek inauguratu
dute Altamira
Ikusgarritasun
handiko ospakizuna eskaini dute kirolgune berrian
maider del olmo
Herenegun agintariek
inauguratu bazuten Altamirako kirolgune berria atzokoan
kirolarien txanda izan zen. Ospakizuna ikusgarria izan
sorpresa eta guzti. Suziak bota zituzten eta 3.000 globo
askatu zituzten. Arratsaldeko lehenengo zatian umeak izan
ziren protagonista eta helduen txanda etorri zen gero, kirol
lehia interesgarriekin.
Inaugurazioari hasiera emateko kale-antzerkia
egin zuten. Jendea Altamira irtsi zenerako kirolgunea goitik
behera apainduta zegoen globoekin nonhai. Antzerkia bukatuta
umeak zelaira atera ziren bakoitza bere taldekideekin batera,
atletismokoak, futbolekoak, sofbolekoak eta errugbikoak.
Arratsaldeko sorpresa zerutik etorri zen. Hiru
paramotor agertu ziren bat-batean eta hainbat akrobazia egin
eta gero lur hartu zuten zelaian. Bisitariak ez zetozen
esku-hutsik gainera. Zelaia zapaldu zutenean aho-zabalik
begira zituzten umeengana zuzendu ziren eta bakoitzari opari
bana eman zieten, euren kirolaren arabera. Hala, futboekoek
baloia, errugbikoek baloia, atletismokoek erreleboa eta
sofbolekoek eskularrua jaso zituzten.
Sorpresaren
ondoren Alejandra Iturrizo alkateak hartu zuen hitza eta
inauguratutzat eman zuen estadioa. Une horretan Joanes Aierbe
Ordizia errugbi taldeko kapitainak hartu zuen hitza. Aierbek
errugbi taldearen nahia agertu zuen: Trevijanon jarraitu ahal
izatea orain arte bezala.
Atzokoan kirol partidak
ikusteko aukera ere izan zen. Futbolean Real Sociedad
B-Ordizia partida izan zen; sofboean Athletico SS-Ordizia,
atletismoan 4X100 erreleboak eta errugbian Euskarians-Ordizia.
|
|